Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 20. nóvember 2021 22:27
Brynjar Ingi Erluson
Messi gerði fyrsta deildarmark sitt fyrir PSG
Lionel Messi skoraði fyrsta deildarmarkið
Lionel Messi skoraði fyrsta deildarmarkið
Mynd: EPA
Argentínski snillingurinn Lionel Messi skoraði fyrsta deildarmark sitt fyrir Paris Saint-Germain í 3-1 sigri liðsins á Nantes í kvöld.

Messi gekk til liðs við PSG í sumar á frjálsri sölu frá Barcelona en það tók hann sex deildarleiki til að skora fyrsta markið í frönsku deildinni.

Hann er með þrjú mörk í þremur leikjum í Meistaradeildinni en fyrsta deildarmarkið kom í kvöld.

Markið gerði hann á 87. mínútu eftir sendingu frá Kylian Mbappe en PSG spilaði manni færri síðasta hálftímann eftir að Keylor Navas var rekinn af velli.

Mbappe gerði fyrsta mark PSG. Neymar var óvænt í byrjunarliðinu en hann meiddist í landsleikjatörninni. Sergio Ramos var ekki í hópnum hjá PSG.

PSG er í efsta sæti deildarinnar með 37 stig, tólf stigum á undan næsta liði.
Athugasemdir
banner
banner
banner
banner
banner