Hannes Þór Halldórsson stóð vaktina á milli stanganna hjá Íslandsmeisturum Vals er þeir slógu KR út í 8-liða úrslitum Lengjubikarsins í ótrúlegum leik.
KR komst í þriggja marka forystu á Hlíðarenda en heimamenn náðu að koma til baka á lokakaflanum og knýja vítaspyrnukeppni.
Guðmundur Benediktsson var að fylgjast með leiknum og spurði fylgjendur sína á Twitter hvor markvörðurinn myndi hafa betur, Hannes Þór eða Beitir Ólafsson hjá KR.
Í vítakeppninni var svo skorað úr öllum spyrnunum nema einni og svaraði Gummi Ben sjálfum sér: „Nevermind, þeir verja ekki skot."
Eftir leik fór Hannes Þór á Twitter og sá færsluna hjá Gumma og svaraði honum.
Hey
— Hannes Halldórsson (@hanneshalldors) March 20, 2021
Athugasemdir