Lið vikunnar í enska - City í bílstjórasætinu

Markvörður: Bernd Leno (Fulham) - Átti vörslu helgarinnar á lokamínútu leiksins gegn Brentford og hélt hreinu í 0-0 jafntefli.

Varnarmaður: Adrien Truffert (Bournemouth) - Hefur farið undir radarinn en hefur leyst Milos Kerkez vel af hólmi. Frábær í 2-1 sigri á Newcastle og er lykilmaður í liði Bournemouth sem hefur ekki tapað deildarleik síðan í byrjun janúar.

Varnarmaður: Virgil Van Dijk (Liverpool) - Þegar þú skorar sigurmarkið á lokamínútum í Merseyside-slagnum þá áttu skilið að vera í liði umferðarinnar.

Varnarmaður: Joachim Andersen (Fulham) - Hélt Igor Thiago, heitasta framherja deildarinnar, í skefjum í 0-0 jafntefli gegn Brentford.

Varnarmaður: Nico O'Reilly (Manchester City) - Hefur verið einn albesti leikmaður deildarinnar í vetur og stóð heldur betur undir nafni í stórleik umferðarinnar.

Miðjumaður: Xavi Simons (Tottenham) - Skoraði mark úr efstu hillu gegn Brighton en því miður fyrir Tottenham dugði það ekki til.

Miðjumaður: Bernardo Silva (Manchester City) - Steig upp í stærsta leik tímabilsins og var besti maður vallarins. Verður mikil blóðtaka fyrir City að missa hann í sumar.

Miðjumaður: Rayan Cherki (Manchester City) - Skemmtilegasti leikmaður deildarinnar. Skoraði stórbrotið mark með töktum sem minntu mann á Lionel Messi.

Miðjumaður: Morgan Gibbs-White (Nottingham Forest) - Skoraði þrjú glæsileg mörk í endurkomusigri gegn Burnley. Hvar væri Tottenham hefðu þeir sótt hann?

Sóknarmaður: Ollie Watkins (Aston Villa) - Skoraði tvö og lagði upp eitt í hádramatískum sigri Villa á Sunderland.

Sóknarmaður: Erling Haaland (Manchester City) - Skoraði sigurmarkið gegn Arsenal og átti í harðri baráttu við Gabriel þar sem sá norski stóð uppi sem sigurvegari.

Stjórinn: Pep Guardiola (Manchester City) Skákaði lærisveininum í stórleik ársins og nú er titilbaráttan í höndum City.