Hernandez og Berardi yfirgefa Leeds

Leeds United hefur verið eitt skemmtilegasta lið ensku úrvalsdeildarinnar á þessu tímabili og hlotið mikið lof.

Marcelo Bielsa og lærisveinar enda í efri hluta deildarinnar sem nýliðar í deildinni.

Tveir af þeim leikmönnum sem hjálpuðu liðinu að komast upp í deild þeirra bestu; Gaetano Berardi og Pablo Hernandez, eru að yfirgefa félagið en þetta var tilkynnt í morgun.

Báðir hafa þeir verið í litlu hlutverki á þessu tímabili. Berardi er 32 ára Svisslendingur sem aðeins hefur spilað einn leik í úrvalsdeildinni en Hernandez er 36 ára Spánverji sem hefur komið við sögu í fimmtán leikjum.