Franski varnarmaðurinn Pierre Kalulu er mættur til Juventus á láni frá Milan.
Juventus náði á dögunum samkomulagi við Milan um að fá Kalulu á láni út tímabilið með möguleika á því að geta keypt hann.
Kalulu, sem er 24 ára gamall, lék aðeins níu deildarleiki með Milan á síðustu leiktíð, en vöðvameiðsli héldu honum frá vellinum stærstan hluta tímabilsins.
Varnarmaðurinn ólst upp hjá Lyon en var fenginn til Milan fyrir fjórum árum.
Tímabilið 2021/2022 var hann fastamaður í vörninni er liðið vann Seríu A.
Kalulu á að baki 26 landsleiki og 2 mörk fyrir yngri landslið Frakklands, en á enn eftir að spila fyrir A-landsliðið.
Pierre Kalulu joins from Milan on loan ??
— JuventusFC ???????????????? (@juventusfcen) August 21, 2024
Welcome, Pierre! ????
Athugasemdir