Franska félagið Nice vonast til að sannfæra Mauricio Pochettino, stjóra Paris St-Germain, um að taka við liðinu í stað Lucien Favre. (ESPN)

Belgíski miðjumaðurinn Youri Tielemans (25) segist ekki sjá eftir því að hafa verið áfram hjá Leicester í sumar þrátt fyrir að hafa verið orðaður við Arsenal. (Sky Sports)

Christian Pulisic (24), leikmaður Chelsea, segist hafa orðið 'forviða' þegar Thomas Tuchel ákvað að hafa hann ekki í byrjunarliðinu í undanúrslitaleiknum gegn Real Madrid í Meistaradeildinni á síðasta ári. (ESPN)

Brasilíski miðjumaðurinn Allan (31) hjá Everton hefur hafið viðræður um að ganga í raðir Al-Wahda í Sameinuðu arabísku furstadæmunum. (Football Insider)

Rafael Benítez, fyrrum stjóri Everton, segist ekki hafa getað stýrt Everton eins og hann vildi vegna tengsla hans við erkifjendurna í Liverpool. (Sky Sports)

Todd Boehly eigandi Chelsea er pirraður yfir því að fyrrum stjórnendur félagsins hafi ekki farið eftir Aurelien Tchouameni (22) áður en miðjumaðurinn gekk í raðir Real Madrid. (Sport)

Portúgalski framherjinn Rafael Leao (23) vill skrifa undir nýjan samning við AC Milan, þrátt fyrir áhuga Chelsea. (La Gazzetta Dello Sport)

Á lista Barcelona yfir leikmenn sem gætu orðið arftakar Sergio Busquets (34) eru meðal annars Ruben Neves (25) hjá Wolves og spænski miðjumaðurinn Martin Zubimendi (23) hjá Real Sociedad. (Marca)

Aaron Ramsey (31), miðjumaður Wales og Nice, segist hafa farið til Juventus frá Arsenal árið 2019 eftir að samningur sem hann hefði samþykkt við Arsenal 'var ekki lengur í boði'. (Times)

Jack Grealish, leikmaður Manchester City og Englands, segir að gagnrýnin sem Gareth Southgate, landsliðsþjálfari Englands, hafi fengið í sumar hafi verið hörð og ósanngjörn. (BBC)

Pep Guardiola, stjóri Manchester City, hringdi í Roberto de Zerbi þegar hann var ráðinn stjóri Brighton. Guardiola sagði að De Zerbi væri kominn í gott félag og bauð honum ráðleggingar. (BBC)

Enski miðjumaðurinn Jamie Shackleton (22) hjá Leeds United mun væntanlega yfirgefa Elland Road næsta sumar. Millwall er með klásúlu um að geta keypt hann þegar lánssamningur hans við félagið rennur út. (Athletic)

Stjórn Juventus hittist á föstudaginn til að ræða framtíð Massimiliano Allegri. Juventus er í áttunda sæti ítölsku A-deildarinnar með aðeins tvo sigra úr sjö leikjum. (Calciomercato)

Chelsea gæti reynt að fá Tim Steidten, íþróttastjóra Bayer Leverkusen, eftir að Christoph Freund hjá Red Bull Salzburg hafnaði því að fara til enska félagsins. (Times)

Yaya Toure, fyrrum miðjumaður Manchester City, er í þjálfarateymi enska U21 landsliðsins fyrir komandi leiki gegn Ítalíu og Þýskalandi. Þetta verkefni er hluti af því að Toure klári þjálfaragráður sem hann er að læra. (Mail)