Aron Elís Þrándarson lék sinn fyrsta leik fyrir OB í dag þegar hann spilaði seinni hálfleikinn í æfingaleik gegn Helsingborg í dag.
Mark Arons kom á 56. mínútu og var það þriðja mark OB í leiknum, leikurinn endaði 3-1. Teitur Magnússon lék síðustu 20 mínúturnar fyrir OB í leiknum.
Á heimasíðu OB stendur í leikskýrslu að Aron hafi skorað eftir undirbúning Sander Svendsen. Fyrsti leikur og fyrsta mark frá nýja leikmanninum númer nítján.
Daníel Hafsteinsson spilaði seinni hálfleikinn hjá Helsingborg í leiknum. Þá var Jón Guðni Fjóluson í byrjunarliði Krasnodar sem sigraði Dínamó Búkarest í æfingaleik, 1-2, í dag.
Athugasemdir
