Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 22. febrúar 2021 21:53
Brynjar Ingi Erluson
Ítalía: Ronaldo skoraði tvö í sigri á Crotone
Cristiano Ronaldo skoraði tvö mörk fyrir Juventus
Cristiano Ronaldo skoraði tvö mörk fyrir Juventus
Mynd: Getty Images
Juventus 3 - 0 Crotone
1-0 Cristiano Ronaldo ('38 )
2-0 Cristiano Ronaldo ('45 )
3-0 Weston McKennie ('66 )

Portúgalski sóknarmaðurinn Cristiano Ronaldo gerði tvö mörk fyrir Juventus er það vann Crotone 3-0 í Seríu A á Ítalíu í dag.

Juventus var betri aðilinn í leiknum eins og við var að búast en Aaron Ramsey átti tvö hættuleg færi og skalla í slá áður en Ronaldo kom Juventus yfir með skalla á 38. mínútu.

Sjö mínútum síðar skoraði Ronaldo með öðrum skalla. Hann átti fyrst skot af 30 metra færi sem markvörður Crotone varði til hliðar á Ramsey sem var fljótur að finna svæðið í teignum.

Ronaldo tók hlaupið inn í teig og stökk manna hæst áður en hann stangaði boltann í netið.

Weston McKennie gulltryggði sigurinn með marki af stuttu færi eftir hornspyrnu.

Öruggur 3-0 sigur Juventus og liðið komið upp í 3. sæti deildarinnar með 45 stig, átta stigum á eftir toppliði Inter þegar fimmtán leikir eru eftir af deildinni.
Athugasemdir
banner
banner
banner
banner
banner