Cristiano Ronaldo leikmaður Al Nassr í Sádí Arabíu er í landsliðshópi Portúgal sem mætir Liechtenstein og Luxemborg í riðli Íslands í undankeppni EM 2024 næstu daga.
Hann er markahæsti landsliðsmaður í sögunni með 111 mörk. Þá er hann einnig leikjahæsti landsliðsmaður í sögunni ásamt Bader Al-Mutawa landsliðsmanni Kúveit. Þeir hafa leikið 196 leiki.
Það er nokkuð ljóst að Ronaldo muni slá það met á næstu dögum.
„Met eru mín hvatning. Ég vil verða leikjahæstur í sögunni. Ég yrði stoltur af því. Það hættir ekki þar, ég vil enn vera hluti af landsliðinu oft," sagði Ronaldo.
Athugasemdir