Benjamin Tahirovic, leikmaður Roma.
Varnarmaðurinn Sead Kolasinac æfði ekki með bosníska landsliðinu í gær en hann er að glíma við meiðsli og ansi ólíklegt að hann komi við sögu í leiknum gegn Íslandi annað kvöld. Kolasinac, sem er fyrrum leikmaður Arsenal en spilar í dag fyrir Marseille, var í einstaklingsæfingum á meðan liðsfélagar hans æfðu.
Bosníumenn virðast þó enn binda vonir við að Kolasinac gæti hjálpað liðinu í seinni leik þeirra í landsleikjaglugganum, leik gegn Slóvakíu.
Bosníumenn virðast þó enn binda vonir við að Kolasinac gæti hjálpað liðinu í seinni leik þeirra í landsleikjaglugganum, leik gegn Slóvakíu.
Bosníumenn eru ansi spenntir fyrir miðjumanninum tvítuga Benjamin Tahirovic sem er í landsliðshópnum. Tahirovic vonast til að spila sinn fyrsta landsleik gegn Íslandi. Tahirovic hefur komið við sögu í fimm leikjum með Roma í ítölsku A-deildinni á þessu tímabili.
Tahirovic fæddist í Svíþjóð þann 3. mars 2003 en segir að aldrei hafi verið vafi á því að hann ætlaði sér að spila fyrir Bosníu/Hersegóvínu.
„Í mínum huga var aldrei vafi á því fyrir hvaða landslið ég ætlaði að spila, osk mín var alltaf að klæðast búningi Bosníu/Hersegóvínu. Ég var hrifinn af þeim áætlunum sem Hadzibegic þjálfari kynnti fyrir mér. Það eru gæðaleikmenn í liðinu og ég er stoltur að vera hluti af því," segir Tahirovic.
„Ég tel okkur vera nægilega góða til að ná í frábær úrslit. Við óttumst engan, við erum að undirbúa okkur eins og best verður á kosið og ég hef fulla trú á því að við komumst á EM 2024."
„Ég er þakklátur Jose Mourinho (stjóra Roma) fyrir að hafa gefið mér tækifæri og fá mínútur í mikilvægum leikjum gegn Bologna og Milan. Ég á enn mikið verk óunnið, það er pláss fyrir bætingu og ég tel að ég sé á réttri leið."
Annað kvöld klukkan 19:45 leikur Ísland gegn Bosníu/Hersegóvínu í borginni Zenica. Á sunnudag er útileikur gegn Liechtenstein.
Auk þessara liða eru Portúgal, Slóvakía og Lúxemborg í riðlinum en tvö efstu liðin tryggja sér sæti í lokakeppni EM í Þýskalandi 2024. Möguleikar Íslands eru því nokkuð góðir en fastlega má gera ráð fyrir því að Portúgal vinni riðilinn en hart verði barist um annað sætið.
???????? Benjamine, dobro došao me?u Zmajeve ???????????? pic.twitter.com/KJbFbUODTm
— NFS BIH (@NFSBiH) March 20, 2023
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
