Rashford settur inn í námsefni

Marcus Rashford, sóknarmaður Manchester United og enska landsliðsins, verður hluti af námsefni í fjölmiðlafræði á Bretlandseyjum þar sem fjallað er um notkun hans á samfélagsmiðlum til að berjast fyrir því að fátæk börn fái fríar máltíðir í skólanum.

Rashford hefur fengið mikið lof og verið verðlaunaður fyrir baráttu sína fyrir betra samfélagi, hann hefur meðal annars tæklað kynþáttafordóma og stofnað félag til að auka lestur hjá krökkum.

Samfélagsmiðlar hafa verið lykillinn í að dreifa hans boðskap og hann hefur notað þá til að koma út skilaboðum og hafa áhrif á umræðuna.