Madrid CFF var stofnað árið 2010 og leikur í spænsku úrvalsdeildinni. Á síðasta tímabili hafnaði liðið í sjötta sæti deildarinnar.

Hildur, sem er 28 ára gömul, lék síðast fyrir hollenska félagið Fortuna Sittard en samningur hennar þar rann út í sumar. Hún hafði leikið fyrir félagið frá 2022.

Þar áður lék Hildur með Breiðabliki og Val hér heima.

Hildur er virkilega öflugur miðjumaður sem hefur spilað lykilhlutverk í íslenska landsliðinu upp á síðkastið. Hún var stór partur af liðinu sem tryggði sér sæti á EM fyrir stuttu.