Leikmaður að nafni Bendrix Parra hefur verið rekinn frá paragvæska félaginu Independiente Campo Grande. Hann fékk sparkið eftir að hafa klúðrað vítaspyrnu gegn kólumbíska liðinu La Equidad í 32-liða úrslitum Suður-Ameríkubikarsins.
Leikurinn fór alla leið í vítaspyrnukeppni þar sem Parra tók þriðju vítaspyrnu síns liðs. Hann ákvað að taka Panenka spyrnu en hún klúðraðist. Lið hans féll úr leik.
Eriberto Gamarra, forseti Independiente, sagði að stjórn félagsins hefði ákveðið að rifta samningi leikmannsins þar sem spyrna hans hafi verið ábyrgðarlaus.
„Við berum allir ábyrgð á því að hafa ekki komist í næstu umferð en það er alveg rétt að samherjar hans kenndu honum um. Það var ágreiningur innan hópsins," segir Gamarra.
Hvað er Panenka víti?
Þegar leikmenn vippa boltanum á mitt markið úr vítum þar sem þeir búast við því að markvörðurinn skutli sér til hliðar. Vítin eru nefnd eftir Antonin Panenka sem skoraði úr þannig spyrnu þegar Tékkóslóvakía vann Vestur-Þýskaland í úrslitaleik EM 1976.
🤦♂️ ¡Increíble lo mal que pateó el penal! Bendrix Parra, de @Indefbc1925, la quiso picar y la ejecución fue para el olvido: el arquero de @Equidadfutbol se la atajó con el pecho. pic.twitter.com/RhlXujZRbV
— CONMEBOL Sudamericana (@Sudamericana) April 17, 2019
Athugasemdir
