West Ham blandar sér í baráttu um Soule - City hefur áhuga á Donnarumma - PSG vill leikmenn Man Utd
   mið 24. apríl 2024 23:38
Sæbjörn Þór Þórbergsson Steinke
Gaui Lýðs í Hauka (Staðfest)
Í leik með Haukum árið 2010.
Í leik með Haukum árið 2010.
Mynd: Fótbolti.net - Andri Janusson
Guðjón Pétur Lýðsson hefur fengið félagaskipti í Hauka frá Grindavík. Hann mun því spila í 2. deild í sumar.

Guðjón er 36 ára miðjumaður sem uppalinn er í Haukum og lék með liðinu fyrst árið 2006 og svo aftur tímabilin 2009-10.

Hann hefur á sínum ferli komið víða við, hefur leikið með Breiðabliki, Stjörnunni, Álftanesi, Val, ÍBV og svo Grindavík. Hann var þá hjá sænska félaginu Helsingborg seinni hluta tímabilsins 2011 þegar liðið varð tvöfaldur meistari.

Guðjón Pétur hjálpaði Haukum að fara upp úr 1. deildinni árið 2009 og stefnir á að hjálpa Haukum upp úr 2. deild árið 2024. Hann hefur á sínum ferli tvisvar orðið Íslandsmeistari og einu sinni bikarmeistari (með Val á árunum 2016-2018).

Hann æfði með FH á síðustu vikum en fékk ekki samning hjá félaginu. Hann er fjórði leikmaðurinn í dag því fyrr í dag var tilkynnt um komu tveggja uppaldra leikmanna og þá er Þorkell Víkingsson, sem fæddur er árið 2004, mættur á láni frá Fylki.
Athugasemdir
banner
banner
banner
banner