Íslenski landsliðsmiðvörðurinn Daníel Leó Grétarsson skoraði sitt fyrsta mark fyrir pólska félagið Slask Wroclaw í annarri umferð deildarinnar í dag.
Daníel, sem gekk til liðs við Slask Wroclaw frá Blackpool í byrjun ársins, missti mikið úr vegna meiðsla seinni hluta leiktíðarinnar og spilaði aðeins fjóra leiki í pólsku deildinni.
Nú er hann laus við öll meiðsli og var að leika annan deildarleik sinn á þessu tímabili og gerði um leið fyrsta mark sitt fyrir Wroclaw og kom liðinu í 2-1 gegn KR-bönunum í Pogon Szczecin.
Það gerði hann með skalla eftir fyrirgjöf frá vinstri en markið má sjá hér fyrir neðan.
Sjáðu markið hér
Athugasemdir