Cristiano Ronaldo, maðurinn sem er til umræðu á öllum kaffistofum, hefur leik með portúgalska liðinu á heimsmeistaramótinu í Katar klukkan 16 í dag er þeir mæta Gana.
Þrátt fyrir að vera þessi mikla fótboltaþjóð hefur Portúgal aðeins tvívegis komist í undanúrslit á HM; 1966 og 2006. Í Rússlandi fyrir fjórum árum féll Portúgal út í 16-liða úrslitum gegn Úrúgvæ en liðin eru einmitt saman í riðli i þessari keppni.
Hinn 37 ára gamli Ronaldo er eflaust að spila á sínu síðasta heimsmeistaramóti, en á fréttmannafundum fyrir mót hefur allt snúist um hann en ekki liðið.
Ronaldo fór í viðtal við Piers Morgan stuttu fyrir mót þar sem hann lét gamminn geysa. Í kjölfarið var samningi hans við Manchester United rift.
Það er spurning hvernig þessi umræða um Ronaldo hafi áhrif á hópinn, hvort hún trufli en allar spurningarnar eru augljóslega að fara í taugarnar á Fernando Santos, þjálfara Portúgal. Það má sjá á myndbandinu hér fyrir neðan.
Fernando Santos can eye-roll and shake his head all he wants. His captain has brought this on himself, by making the story all about him on the eve of a major tournament. https://t.co/S5yQF8rj3h
— Jamie Weir (@jamiecweir) November 23, 2022
Athugasemdir