„Það er fúlt að tapa þessu 4-0 eftir að hafa verð 1-0 undir megnið af leiknum," sagði Hannes Þór Halldórsson, markvörður landsliðsins, eftir tap gegn Frakklandi í undankeppni EM í kvöld. „Það svíður að tapa þessu 4-0."
Lestu um leikinn: Frakkland 4 - 0 Ísland
„Við fáum á okkur annað markið og þá riðlast leikur okkar. Þeir ganga á lagið. Þeir hitta vel úr sínum slúttum. Þeir gera vel. Það er oft stutt á milli í þessu þegar þú ert að spila á móti þessum stóru þjóðum."
Ísland spilaði með fimm manna vörn í dag. Það er ekki eitthvað sem hefur verið mikið gert áður.
„Nú þarftu að spila fróðari spekinga mig. Mér leið vel með að fara inn í þennan leik með þetta leikkerfi. Þetta er eins erfiður útivöllur að fara á. Mér fannst það fínt upplegg að fara inn í þetta með svolítinn múr og sjá svo hvað við gætum klórað. Það var of auðvelt fyrir þá að eiga við okkur."
„Það þarf allt að ganga upp gegn þessu liði. Það gekk ekki allt upp hjá okkur."
Næstu leikir eru gegn Albaníu og Tyrklandi á Laugardalsvelli í júní.
„Við megum ekki gleyma því að þetta var leikurinn sem hefði verið mega bónus að fá eitthvað út úr. Það er allt undir í júní."
Viðtalið er í sjónvarpinu hér að ofan.
Athugasemdir
