„Þetta er mjög sérstakt fyrir okkur eftir að við töpuðum í FA-bikarnum," sagði Aymeric Laporte, varnarmaður Manchester City, eftir sigur á Tottenham í enska deildabikarnum í dag.
Laporte kom inn í liðið hjá Man City í dag þar sem John Stones var í leikbanni. Franski miðvörðurinn reyndist hetja City.
„Við höfum verið frábærir síðustu tvo mánuði og verðum að halda áfram í þessum takti svo við getum unnið fleiri titla."
City er á góðri leið með að vinna ensku úrvalsdeildina og er í undanúrslitum Meistaradeildarinnar.
„Þetta var erfitt í dag, þeir eru gott lið og það er aldrei auðvelt að spila gegn þeim. Við gerðum mjög vel í dag og það er frábært að fá stuðningsmennina aftur á völlinn. Ég vild að það hefðu verið enn fleiri á vellinum en það var gott að fá stuðning þeirra."
Athugasemdir