HK er komið upp í efsta sæti Lengjudeildar kvenna eftir 1-0 sigur á Augnabliki í nágrannaslag í dag.
Eina mark leiksins kom á 8. mínútu en Júlía Katrín Baldvinsdóttir setti þá boltann í eigið net. María Lena Ásgeirsdóttir átti skot fyrir utan teig sem fór af Júlíu og þaðan í netið.
Sigurinn fleytir HK á toppinn og er liðið með fullt hús stiga eftir fyrstu fjóra leikina.
Fjölnir og FH gerðu markalaust jafntefli í Grafarvogi á meðan Tindastóll lagði Hauka, 1-0. Murielle Tiernan gerði eina mark leiksins tuttugu mínútum fyrir leikslok.
Úrslit og markaskorarar:
Tindastóll 1 - 0 Haukar
1-0 Murielle Tiernan ('69 )
Fjölnir 0 - 0 FH
HK 1 - 0 Augnablik
1-0 Júlía Katrín Baldvinsdóttir ('8 , sjálfsmark)
Lestu um leikinn
Athugasemdir