Jose Mourinho, stjóri Tottenham, staðfesti á fréttamannafundi í dag að varnarmaðurinn Toby Alderweireld missir af næstu leikjum vegna meiðsla.

„Toby er með vöðvameiðsli en þau eru ekki eins alvarleg og við héldum í fyrstu," segir Mourinho.

„Við héldum fyrst að hann yrði frá í mánuði en ég myndi segja að hann verði frá í tvær til fjórar vikur. Hann var að spila mjög vel og við munum sakna hans en berjumst með það sem við höfum."