Albert kom inn á sem varamaður á vinstri kantinn undir lok fyrri hálfleiks fyrir Rúnar Már Sigurjónsson sem meiddist.

„Það er alltaf heiður að spila með landsliðinu og mig langar alltaf að gera það. Þetta var erfitt. Skilaboðin sem ég fékk áður en ég kom inn á var að reyna að hrista aðeins upp í þessu og lífga upp á sóknarleikinn. Þetta gekk allt í lagi en Þýskaland eru kannski einu númeri of stóri fyrir okkur."

Var Albert svekktur að vera ekki í byrjunarliðinu? „Já auðvitað vil ég byrja en ef Arnar (Þór Viðarsson) heldur að besta hlutverkið fyrir mig sé að vera á bekknum, þá tek ég því alveg. Ég veit innst inni að ég er bestur á vellinum," sagði Albert brosandi.

„Ég undirbý mig þannig að ég sé að fara að byrja alla leiki og held því áfram. Síðan er það undir Arnari og Eið hvert hlutverk mitt mun vera. Ég vil vera partur af hópnum og ég vil að við vinnum. Vonandi vinnum við með mig á vellinum en ef við vinnum með mig á bekkum þá er það gott því við viljum allir fara á HM."

Hér að ofan má sjá viðtalið í heild sinni.