Ómar Ingi
George Nunn.
Legghlífarnar frægu.
Ómar Ingi Guðmundsson, þjálfari HK, ræddi við Fótbolta.net í dag rétt eftir að ljóst varð að HK mætir Fylki í 16-liða úrslitum bikarsins. Sá leikur fer fram eftir tæpan mánuð og því var ekki mikið rætt um hann.
Meira var rætt um komandi leik gegn Vestra í Bestu deildinni. Liðin mætast í Laugardalnum á sunnudag. Það er skráður heimaleikur Vestra.
Meira var rætt um komandi leik gegn Vestra í Bestu deildinni. Liðin mætast í Laugardalnum á sunnudag. Það er skráður heimaleikur Vestra.
Lestu um leikinn: Þróttur R. 1 - 2 HK
„Þeir eru með gott lið, sterkt lið; Balde, Eiður, Pétur og Andri - eru með líkamlega sterka stráka. Við þurfum að vera klárir í góðan slag."
Ekki eitthvað mynstur sem mun halda sér
Í síðustu tveimur deildarleikjum hefur HK fengið tvö rauð spjöld.
„Ég held það sé alltaf vandamál að fá á sig rauð spjöld, en held það sé ekki eitthvað mynstur sem við erum að fara horfa í að haldi sér út deildina. Það er bæði vandamál að lenda einum færri og svo býr það líka til vandamál í næsta leik á eftir (leikbann)."
Missteig sig tvisvar á sama ökkla
Ómar segir að allavega flestir séu að koma heilir úr bikarleiknum gegn Þrótti. „Kristján Snær missteig sig á sama ökklanum tvisvar, en hann var nokkuð brattur í gær. Vonandi verður hann orðinn klár."
Búinn að bíða eftir markinu
George Nunn skoraði tvö mörk gegn Þrótti, sigurmarkið kom seint í leiknum, frábær afgreiðsla. Hvað eru þessi mörk að fara gera fyrir hann?
„Það verður að koma í ljós, en vonandi alveg helling. Við, og hann helst af öllum, vorum aðeins að bíða eftir þessu. Við vitum að hann býr yfir þessum skotum eins og hann sýnir í seinna markinu. Vonandi gefur honum þetta hellingskraft fram á við í leikina sem eru framundan í deildinni. Hann hefur reynst okkur vel í öðrum þáttum; er sterkur í loftinu og gífurlega vinnusamur. Við vorum að bíða að hann myndi ná einum yfir línuna til að virkja þann þátt í hans leik líka. Vonandi er þetta byrjunin á því að við munum sjá fleiri bolta enda í netinu hjá honum," sagði Ómar.
Fjallað var um Sean Dyche-legghlífarnar sem Nunn var með á sínum tíma. Er hann ennþá í þeim?
„Nei, þeim var stolið einhvern tímann sagði hann. Hann hefur mikið verið spurður út í þetta. Það er gífurlega áhugavert að hann hafi valið þetta á sínum tíma. Hann hefur ekki ennþá náð að útvega sér öðrum með mynd af Sean Dyche," sagði Ómar.
Viðtalið við hann má sjá í heild sinni í spilaranum efst.
