Fylkir og FH gerðu 2-2 jafntefli í 6. umferð Pepsi Max-deildarinnar í Árbænum í kvöld.
Helgi Sigurðsson þjálfari Fylkis var svekktur að hafa ekki náð í sigur en Fylkir komst tvívegis yfir í leiknum.
Helgi Sigurðsson þjálfari Fylkis var svekktur að hafa ekki náð í sigur en Fylkir komst tvívegis yfir í leiknum.
Lestu um leikinn: Fylkir 2 - 2 FH
„Það mætti segja að þetta væru tvö töpuð stig því við komumst tvisvar yfir í leiknum og við eigum að vera það rútíneraðir og við eigum ekki að láta það gerast að fá á okkur mark skömmu eftir að við komumst yfir. Það var heppnis stimpill yfir seinni markinu hjá FH en ég er mjög stoltur af strákunum."
„Það hefur verið mikið af meiðslum og erfitt að skrapa saman í hóp og þetta hefur reynt mikið á hópinn. Við höfum hinsvegar þétt raðirnar og strákarnir eiga hrós skilið," sagði Helgi en til að mynda kom Oddur Ingi Guðmundsson inná í leiknum en hann hefur ekkert æft með Fylki frá síðasta tímabili og þá kom Andri Jónsson inn í fyrsta sinn í sumar eftir að hafa verið að glíma við meiðsli.
„Við vorum að spila gegn mjög góðu liði FH-inga og við vissum það að ef við værum ekki með nægilega góða pressu þá myndu þeir spila sig létt útúr því. Við náðum að koma þeim oft í vandræði. Með smá klókindum hefðum við getað skorað þriðja markið en auðvitað eru menn orðnir þreyttir og þá verða ákvarðirnar á síðasta þriðjungnum ekki nægilega góðar."
Sam Hewson var ekki með Fylki í kvöld vegna meiðsla.
„Hann er meiddur og ég veit ekkert hvenær hann kemur til baka. Hvort sem það er stutt eða langt en vonandi verður hann klár í næsta leik," sagði Helgi.
Viðtalið í heild sinni má sjá í sjónvarpinu hér að ofan.
Athugasemdir