HK er komið áfram í átta-liða úrslit Mjólkurbikarsins eftir mjög svo þægilegan sigur gegn Dalvík/Reyni í Kórnum.

Dalvíkingar gengu reyndar sáttir inn í leikhléið því staðan var markalaus þá. Í seinni hálfleik keyrði HK yfir gestina og skoraði sex mörk.

Stefán Ingi Sigurðarson átti stórkostlega innkomu fyrir heimamenn því hann gerði fernu eftir að hafa komið inn á sem varamaður á 69. mínútu.

Lokatölur 6-0 fyrir HK sem er fyrsta liðið áfram í átta-liða úrslit keppninnar. Dalvík/Reynir sem er í 3. deild er fallið úr leik en þeir geta verið sáttir með sína frammistöðu í þessari keppni.