Davíð Snorri Jónasson og Age Hareide.
KSÍ hefur boðað til fréttamannafundar á miðvikudaginn en þá verður opinberaður leikmannahópur Íslands fyrir komandi leiki í Þjóðadeild UEFA, við Svartfjallaland á heimavelli 6. september og Tyrkland á útivelli 9. september.
Á fundinum situr landsliðsþjálfarinn Age Hareide fyrir svörum.
Á fundinum situr landsliðsþjálfarinn Age Hareide fyrir svörum.
Hareide má ekki velja Albert Guðmundsson í hópinn en spurning er hvort Gylfi Þór Sigurðsson verði valinn. Í viðtali við Fótbolta.net í gær vildi Gylfi ekkert gefa upp um það hvort hann hafi fengið veður af því hvort hann yrði í þeim hóp eða ekki: „Við verðum bara að bíða og sjá til, vonandi."
Eins og áður segir er Ísland í riðli með Svartfjallalandi og Tyrklandi en einnig er Wales í riðlinum. Miðasala á leikinn gegn Svartfjallalandi er farin af stað og einnig er mótsmiðasala í gangi en nánari upplýsingar eru hér.
Landslið karla - Þjóðadeild
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Wales | 6 | 3 | 3 | 0 | 9 - 4 | +5 | 12 |
| 2. Tyrkland | 6 | 3 | 2 | 1 | 9 - 6 | +3 | 11 |
| 3. Ísland | 6 | 2 | 1 | 3 | 10 - 13 | -3 | 7 |
| 4. Svartfjallaland | 6 | 1 | 0 | 5 | 4 - 9 | -5 | 3 |
Athugasemdir
