Malen, Maguire, Rashford, Greenwood, Yoro, Eriksen og fleiri góðir í slúðri dagsins
   lau 26. september 2020 18:14
Guðmundur Aðalsteinn Ásgeirsson
Svíþjóð: Svekkjandi tap hjá liði Elísabetar
Elísabet er þjálfari Kristianstad.
Elísabet er þjálfari Kristianstad.
Mynd: Fotball Gala
Svava Rós Guðmundsdóttir og Sif Atladóttir voru ekki með Kristianstad þegar liðið tapaði á útivelli gegn Vaxjö í sænsku úrvalsdeildinni.

Svava, sem hefur átt mjög gott tímabil, er að glíma við meiðsli og Sif er nýbúin að eignast barn.

Elísabet Gunnarsdóttir stýrir Kristianstad sem lenti 2-0 undir eftir sjö mínútur. Kristianstad minnkaði muninn á níundu mínútu en komst ekki lengra en það.

Öll mörkin voru skoruð á fyrstu mínútum leiksins í 2-1 sigri Vaxjö. Kristianstad er eftir þessi svekkjandi úrslit í þriðja sæti með 30 stig, fimm stigum á eftir Gautaborg í öðru sæti og átta stigum frá toppliði Rosengård. Gautaborg og Rosengård eiga leik til góða.
Athugasemdir
banner
banner
banner