Thiago og Fabinho litu vel út á æfingu

Miðjumennirnir Thiago Alcantara og Fabinho hafa verið að glíma við meiðsli og var búist við að annar hvor þeirra myndi missa af úrslitaleiknum - eða jafnvel báðir.

Útlitið er þó ansi gott þar sem þeir litu vel út á æfingum í dag og í gær og gæti farið svo að þeir verði báðir í byrjunarliðinu.

„Stemningin í hópnum er mjög góð, við erum gríðarlega spenntir að vera hérna," sagði Klopp á fréttamannafundi í dag.

„Thiago og Fabinho líta báðir vel út. Fabinho hefur verið að æfa eðlilega á meðan Thiago æfði með hópnum í gær og gerir það aftur í dag og svo sjáum við til."