Stelpurnar okkar munu dvelja í náttúruparadís við Alpana

Gist verður á Parkhotel Gunten en þaðan er dásamlegt útsýni yfir vatnið og fjöllin í kring. Við hótelið er garður sem vel er látið af.

Hótelið er vinsælt hjá útivistarfólki og þar má finna spa og líkamsræktaraðstöðu. Þar er líka myndarlegur vínkjallari sem verður þó væntanlega lítið heimsóttur af íslenska hópnum.

Íslenska liðið ætti að geta gert góða hluti á EM, það hefur verið góður stígandi í liðinu, lykilmenn eru á kjöraldri og markmiðið að toppa í Sviss. Ísland er með heimakonum í Sviss í riðli, ásamt Finnlandi og Noregi. Íslenska liðið er efst á heimslistanum af liðum riðilsins.