Spá þjálfara í 2. deild: 11. sæti

Spáin:
1.
2.
3.
4.
5.
6.
7.
8.
9.
10.
11. KF, 27 stig
12. Kormákur/Hvöt, 13 stig

11. KF
Annað árið í röð er KF spáð ellefta sæti 2. deildar af þjálfurum deildarinnar. Liðið afsannaði spánna í fyrra með því að enda nokkuð þægilega í tíunda sæti deildarinnar, langt á undan Sindra og KV sem voru tvö neðstu liðin. KF hefur fæst rætur í 2. deild en liðið er núna á leið inn í sitt fimmta tímabil í röð í deildinni. Besti árangurinn til þessa var fimmta sæti árið 2021 og frá þeim tíma eru enn nokkrir leikmenn í liðinu í dag. Það er kjarni af heimamönnum í liðinu sem er ansi sterkt. Það getur myndast býsna góð stemning á Ólafsfirði og það er alltaf erfitt að sækja KF heim, það er klárt mál. Það eru fáir vellir á landinu sem erfiðara er að heimsækja en Ólafsfjarðarvöllur. KF hefur alla burði til að afsanna þessa spá, alveg eins og þeir gerðu í fyrra og árin þar á undan.

Þjálfarinn: Halldór Ingvar Guðmundsson er á leið inn í sitt annað tímabil sem aðalþjálfari KR. Hann tók við liðinu af Slobodan Milisic sem stýrði liðinu í sjö ár. Halldór er á 32. aldursári en hann er uppalinn í KF. Hann lék síðast 16 leiki með liðinu sumarið 2021 í 2. deild en hann lék sem markvörður. Hann er leikjahæsti leikmaður KF frá upphafi en núna er hann þjálfari liðsins. Hann fékk góða reynslu í fyrra sem hann getur tekið með sér inn í komandi tímabil.

Stóra spurningin: Afsanna þeir spánna aftur?
KF er eitt af þeim liðum sem er alltaf einhvern veginn erfitt að spá í fyrirfram. Svo þegar mótið hefst þá er heimavöllurinn sterkur og gildin alltaf þau sömu. Fólk hefur alltaf áhyggjur af þeim fyrir mót en þeir hafa hingað til haldið sér frekar þægilega uppi. Gerist það aftur þetta árið?

Lykilmenn:
Jordan Damachoua: Fyrst ber að nefna Damak, eins og hann er kallaður. Damak, sem er býsna öflugur miðjumaður, kom fyrst til KF 2018 og var út sumarið 2019. Þaðan lá leiðin til Kórdrengja og svo Þórs en hann kom aftur til KF um mitt tímabilið 2022. Hann hefur verið einn af mikilvægustu leikmönnum félagsins þegar hann hefur spilað með KF. Hann er fæddur árið 1991 og hefur leikið 105 KSÍ leiki og skorað 15 mörk. Fyrir KF hefur hann leikið 79 leiki og skorað 9 mörk.

Ljubomir Delic: Þekkir hvern krók og kima á Ólafsfirði eftir að hafa spilað þar frá 2017. Miðjumaðurinn öflugi er nú búsettur í Fjallabyggð og reynst liðinu mikill happafengur frá því hann kom fyrst. Það hefur líka gert það að verkum að hann hefur verið með allt undirbúningstímabilið síðustu árin og hefur þú leikið í Lengjubikarnum og öðrum keppnum sem hann náði ekki fyrstu árin þegar hann var að koma til móts við liðið rétt fyrir Íslandsmótið.

Daniel Kristiansen: Danskur miðjumaður sem hefur leikið með KF frá 2022. Hann getur einnig spilað í vörninni. Hann hefur áður leikið með varaliði Esbjerg og danska liðinu Varde IF. Hann er fæddur árið 1995. „Heimildarmaður síðunnar segir hann vera búsettan í Fjallabyggð og eigi kærustu frá Ólafsfirði og sé þess vegna hingað kominn. Hann er sagður mikill hvalreki fyrir liðið og muni lyfta því upp á hærra plan í sumar," sagði í frétt á fréttavef Fjallabyggðar þegar Kristiansen gekk í raðir KF árið 2022.

Komnir:
Anton Karl Sindrason frá HK
Auðun Gauti Auðunsson frá Haukum
Guðmundur Jón Bergmannsson frá KA
Haukur Helgason frá Þór (á láni)
Jonas Benedikt Schmalbach frá Ítalíu
Þorgeir Örn Tryggvason frá Samherjum

Farnir:
Adil Kouskous í RB
Atli Snær Stefánsson í Árbæ
Dagbjartur Búi Davíðsson í Dalvík/Reyni (var á láni frá KA)
Hákon Leó Hilmarsson til Svíþjóðar
Sito til Spánar

Þjálfarinn segir - Halldór Ingvar Guðmundsson
„Spáin kemur mér ekkert sérstaklega á óvart, við erum með svipaðan hóp og í fyrra og við stefnum á að bæta árangurinn. Erum búnir að spila fínan bolta í vetur og ætlum okkur að fara með það inn í sumarið."

Fyrstu þrír leikir KF:
4. maí, KFG - KF (Samsungvöllurinn)
11. maí, Ægir - KF (GeoSalmo völlurinn)
17. maí, KF - Kormákur/Hvöt (Ólafsfjarðarvöllur)