Arsenal nýtti sér það að Manchester City var upptekið í bikarnum og tók toppsætið á ný. Arsenal er með þriggja stiga forystu á toppi deildarinnar en City á leik til góða.
Troy Deeney sérfræðingur BBC er búinn að velja úrvalslið vikunnar.
Markvörður: Antonin Kinsky (Tottenham) - Aðhlátursefni eftir martraðaframmistöðu gegn Atletico Madrid en í sigrinum gegn Úlfunum var hann öryggið uppmálað og átti flotta frammistöðu í nauðsynlegum sigri.
Varnarmaður: Piero Hincapie (Arsenal) - Ákaflega traustur í sigrinum gegn Newcastle.
Varnarmaður: Harry Maguire (Manchester United) - Átti stoðsendingu í sigrinum gegn Brentford og sýndi mikilvægi sitt fyrir liðið enn og aftur.
Varnarmaður: Ryan Sessegnon (Fulham) - Mjög öflugur í sigri gegn Aston Villa.
Varnarmaður: Kevin Danso (Tottenham) - Gerði hræðileg mistök gegn Brighton um daginn en steig upp og var gríðarlega flottur gegn Úlfunum.
Miðjumaður: Sasa Lukic (Fulham) - Bestur á vellinum í 1-0 sigri gegn Aston Villa.
Miðjumaður: Tomas Soucek (West Ham) - Skoraði í 2-1 sigri gegn Everton.
Miðjumaður: Alexis Mac Allister (Liverpool) - Lagði upp tvö mörk í sigrinym gegn Crystal Palace.
Sóknarmaður: Igor Jesus (Nottingham Forest) - Enn og aftur frábær frammistaða. Mark og stoðsending í 5-0 sigri gegn Sunderland en var besti maður vallarins.
Sóknarmaður: Jarrod Bowen (West Ham) - Fyrirliðinn geggjaður í sigrinum gegn Everton og skilaði tveimur stoðsendingum.
Sóknarmaður: Alexander Isak (Liverpool) - Gaman að sjá hann skora að nýju eftir að hafa gengið í gegnum erfið meiðsli.
Stjórinn: Roberto De Zerbi (Tottenham) - Nauðsynlegur sigur hjá Spurs.
