Félagið í rannsókn vegna fjársvika
Það er allt á hvolfi hjá ítalska stórliðinu Juventus en forseti félagsins Andra Agnelli hefur sagt af sér ásamt allri stjórn félagsins, þar á meðal er Pavel Nedved.
Juventus hefur verið undir rannsókn vegna ásakana um svindl í bókhaldi og faldar greiðslur til leikmanna. Félagið tapaði 254 milljónum evra á síðasta ári en það er met á Ítalíu.
Juventus hefur verið undir rannsókn vegna ásakana um svindl í bókhaldi og faldar greiðslur til leikmanna. Félagið tapaði 254 milljónum evra á síðasta ári en það er met á Ítalíu.
Ítalskir fjölmiðlar segja að Juventus hafi skrifað undir samninga við leikmenn um að gefa eftir laun í fjóra mánuði þegar Covid heimsfaraldurinn reið yfir.
Talið er að leikmennirnir hafi hinsvegar aðeins gefið eftir laun í einn mánuð, þeir hafi áfram fengið greitt 'í svörtu' og félagið því forðast skatta. Launareikningar hafi svo verið falsaðir til að láta líta út fyrir að bókhaldið væri í jafnvægi.
Ef þetta reynist rétt þá hafa yfirmenn félagsins gerst sekir um fjársvik.
Rannsókn á Juventus hófst þegar fullyrt var að Cristiano Ronaldo hefði verið með leynilegan samning við félagið og fengið launa- og bónusgreiðslur sem ekki voru gefnar upp.
Juventus hefur tilkynnt að ný stjórn verði skipuð þann 18. janúar á komandi ári.
Athugasemdir
