Steven Gerrard.
Steven Gerrard er að hætta sem stjóri Al-Ettifaq í Sádi-Arabíu. Fabrizio Romano, íþróttafréttamaðurinn frægi, talar að um sameiginlega ákvörðun sé að ræða.
Gerrard hefur ekki riðið feitum hesti í Sádi-Arabíu og mikið verið talað um það á síðustu mánuðum að starf hans hafi verið í hættu.
Gerrard hefur ekki riðið feitum hesti í Sádi-Arabíu og mikið verið talað um það á síðustu mánuðum að starf hans hafi verið í hættu.
Gerrard stýrði Al-Ettifaq í 55 leikjum og unnust 19 þeirra.
Gerrard, sem er 44 ára, er mikil goðsögn hjá Liverpool eftir leikmannaferilinn sem hann átti þar. Það var búist við því fyrir nokkrum árum að hann yrði stjóri Liverpool eftir að Jurgen Klopp hætti en annað kom á daginn. Hann náði ekki að sanna sig þegar að því kom.
Hann hefur stýrt Al-Ettifaq frá 2023 en þar áður var hann hjá Aston Villa og náði ekki góðum árangri þar.
Athugasemdir
