Heimild: Selfoss
Jón Vignir Pétursson og Ívan Breki Sigurðsson hafa leikið sinn síðasta leik fyrir Selfoss á tímabilinu en þeir halda nú út til Bandaríkjanna í háskóla.
Selfyssingar eru á toppi 2. deildarinnar, með sex stiga forystu, og kvaddi Jón Vignir með stæl en hann skoraði sigurmarkið í toppslag gegn KFA um helgina.
Selfyssingar eru á toppi 2. deildarinnar, með sex stiga forystu, og kvaddi Jón Vignir með stæl en hann skoraði sigurmarkið í toppslag gegn KFA um helgina.
Leikmennirnir báðir hafa leikið lykilhlutverk á tímabilinu, Jón með fyrirliðabandið á miðjunni og Ívan í vörninni, þá aðallega í hægri bakverðinum.
„Jón mun stunda nám við Seton Hall University í New Jersey fylki í viðskiptafræði með áherslu á stjórnun. Ívan verður á svipuðum slóðum eða í Sacred Heart University í Connecticut fylki, einnig í viðtskiptafræði. Báðir munu þeir spila með liðum sinna skóla.
Báðir leikmennirnir eru áfram samningsbundnir Selfoss og verða mættir í vínrauðu treyjuna næsta sumar!" segir í tilkynningu Selfyssinga.
Næsti leikur Selfoss í 2. deildinni verður gegn Víkingi Ólafsvík á Selfossi á fimmtudag.
2. deild karla
Lið | L | U | J | T | Mörk | mun | Stig |
---|---|---|---|---|---|---|---|
1. Selfoss | 21 | 16 | 2 | 3 | 49 - 25 | +24 | 50 |
2. Völsungur | 21 | 12 | 4 | 5 | 42 - 26 | +16 | 40 |
3. Þróttur V. | 21 | 12 | 3 | 6 | 55 - 33 | +22 | 39 |
4. Víkingur Ó. | 21 | 11 | 6 | 4 | 47 - 29 | +18 | 39 |
5. KFA | 21 | 11 | 2 | 8 | 49 - 38 | +11 | 35 |
6. Haukar | 21 | 9 | 3 | 9 | 40 - 39 | +1 | 30 |
7. Höttur/Huginn | 21 | 8 | 3 | 10 | 38 - 48 | -10 | 27 |
8. Ægir | 21 | 6 | 6 | 9 | 27 - 33 | -6 | 24 |
9. KFG | 21 | 5 | 5 | 11 | 36 - 42 | -6 | 20 |
10. Kormákur/Hvöt | 21 | 5 | 4 | 12 | 18 - 39 | -21 | 19 |
11. KF | 21 | 5 | 3 | 13 | 24 - 47 | -23 | 18 |
12. Reynir S. | 21 | 4 | 3 | 14 | 27 - 53 | -26 | 15 |
Athugasemdir