Lið vikunnar í enska - Rashford og Vardy frammi

Illan Meslier (Leeds United) - Gerði frábærlega að halda hreinu í sigri í nágrannaslag gegn Sheffield United.

Robin Koch (Leeds United) - Klettur í hjarta varnarinnar gegn Sheffield.

Jan Bednarek (Southampton) - Steig ekki rangt skref í sigri gegn Burnley.

Andy Robertson (Liverpool) - Frábær í bakverðinum og skoraði mikilvægt mark í fyrri hálfleik.

Tyrone Mings (Aston Villa) - Stóð sig vel og gerði þriðja mark Villa í nýliðaslaginum gegn Fulham.

Jack Grealish (Aston Villa) - Gerði fyrsta mark leiksins í öruggum sigri á Fulham.

James Rodriguez (Everton) - Hefur verið frábær frá komu sinni í enska boltann og var meðal bestu manna vallarins í sigri gegn Crystal Palace.

Bruno Fernandes (Man Utd) - Bætti upp fyrir mistök í fyrri hálfleik með því að leggja upp og gera svo sigurmarkið úr vítaspyrnu á 100. mínútu gegn Brighton.

Jack Harrison (Leeds United) - Var afar líflegur í sóknarleiknum og lagði upp sigurmarkið fyrir Patrick Bamford.

Jamie Vardy (Leicester) - Ómissandi í liði vikunnar eftir stórsigur Leicester gegn Manchester City. Vardy lék á alls oddi og skoraði þrennu.

Marcus Rashford (Man Utd) - Var flottur gegn Brighton og skoraði frábært mark þar sem hann tætti vörnina í sundur.