Manchester United neitar að gefast upp þegar kemur að Jadon Sancho, tvítugum kantmanni Borussia Dortmund sem er ekki til sölu samkvæmt stjórnendum félagsins. (ESPN)

Man Utd mun lána Daniel James, 22, til Leeds United ef Sancho skiptir yfir. (Sun)

Rauðu djöflarnir ætla að kaupa Ismaila Sarr, 22 ára kantmann Watford, ef ekki tekst að landa Sancho. (Daily Mail)

FC Bayern ætlar að kaupa Max Aarons, tvítugan bakvörð Norwich, eftir að Sergino Dest kaus að ganga frekar til liðs við Barcelona í gær.

Tottenham hefur mikinn áhuga á Milan Skriniar, 25 ára miðverði Inter og slóvakíska landsliðsins, en verðmiðinn á honum er of hár að mati Daniel Levy. (Guardian)

Everton og Leicester hafa bæði áhuga á Kurt Zouma, 25 ára miðverði Chelsea. (Le10Sport)

Tottenham er að leita sér að miðverði og gæti Antonio Rüdiger, 27, komið frá Chelsea. (Sky Sports)

Sheffield United er búið að bjóða 17 milljónir punda í Rhian Brewster, tvítugan framherja Liverpool. Sheffield er reiðubúið að setja ákvæði í samninginn sem gerir Liverpool kleift að kaupa Brewster til baka fyrir ákveðna upphæð. (Sun)

Carlo Ancelotti býst ekki við að Theo Walcott, 31, yfirgefi Everton á árinu. (Daily Mail)

AC Milan hefur áhuga á Diogo Dalot, 21 árs bakverði Manchester United. (Sky Sport Italia)

Lazio er í viðræðum við Man Utd um kaup á Andreas Pereira, 24. Hann myndi fara til Ítalíu á lánssamningi með kaupmöguleika. (Telegraph)

Valencia hefur mikinn áhuga á Juan Foyth, 22 ára miðverði Tottenham og argentínska landsliðsins. (COPE)

Barcelona er að ganga frá kaupum á Sergino Dest, 19 ára bakverði Ajax og bandaríska landsliðsins. Það er líklega síðasti leikmaðurinn sem gengur í raðir Barca fyrir næstu leiktíð. (Goal)

Lyon er reiðubúið til að selja Houssem Aouar, eftirsóttan 22 ára miðjumann sinn. Arsenal hefur sýnt mikinn áhuga en verðmiðinn er talinn nema um 50 milljónum punda. (Sky Sports)