Sádi-arabíska félagið Al Ahli hefur krækt í belgíska miðvörðinn Matteo Dams frá hollenska félaginu PSV Eindhoven. Þetta kemur fram í tilkynningu frá Al Ahli.
Dams er tvítugur leikmaður sem er U21 árs landsliðsmaður hjá Belgíu.
Hann hefur spilað 24 leiki með aðalliði PSV á þessu tímabili og kemur því verulega á óvart að hann sé að fara svo ungur að árum til Sádi-Arabíu.
Al Ahli greiðir PSV 10 milljónir evra fyrir kaupin á Dams sem skrifaði undir fjögurra og hálfs árs samning við félagið.
Það er greinilegt að peningar tala því Dams hefur alla burði til þess að ná langt í Evrópuboltanum.
Þetta eru þá sérstaklega góð skipti fyrir Al Ahli sem þarf ekki að skrá leikmenn í hópinn sem eru 21 árs eða yngri.
Matteo Dams confirms his €10m move to Al-Ahli from PSV.????
— Ben Jacobs (@JacobsBen) January 29, 2025
???? @ALAHLI_FCEN pic.twitter.com/nU6Ub9k5Bt
Athugasemdir
