Það komu nokkrir Íslendingar við sögu í evrópska kvennaboltanum í dag þar sem Vigdís Lilja Kristjánsdóttir skoraði eitt af fjórum mörkum Anderlecht í frábærum sigri gegn Standard Liege í titilbaráttu belgíska boltans.
Vigdís Lilja var í byrjunarliði Anderlecht í 2-4 sigri og er stórveldið áfram á toppi belgísku deildarinnar, jafnt OH Leuven á stigum í titilbaráttunni. Standard Liege er tíu stigum þar á eftir.
Leuven vann svo 3-0 gegn Club Brugge, sem heitir Club YLA í kvennaflokki, til að halda í við Anderlecht. Diljá Ýr Zomers (Leuven) og Lára Kristín Pedersen (YLA) voru ekki í hóp.
Daníela Dögg Guðnadóttir skoraði þá fyrsta mark leiksins í auðveldum sigri Álasunds í norska bikarnum.
Álasund gerði sér lítið fyrir og sigraði með átta marka mun gegn Herd. Karna Solskjær, 22 ára dóttir Ole Gunnar Solskjær, skoraði tvennu í sigrinum.
Marie Jóhannsdóttir og stöllur í liði Molde slógu Kristiansund úr leik á sama tíma.
St. Liege 2 - 4 Anderlecht
OH Leuven 3 - 0 Club YLA
Herd 0 - 8 Álasund
Kristiansund 1 - 2 Molde
Athugasemdir
