Pierre-Emerick Aubameyang.
Callum Hudson-Odoi.
Aston Villa hefur áhuga á Potter.
De Jong verður áfram hjá Barcelona.
Félagaskiptaglugganum verður skellt í lás klukkan 22 á fimmtudagskvöld. Aubameyang, Kane, Ronaldo, De Jong, Carrasco, Gallagher, James, Luiz, Gakpo og fleiri í slúðurpakkanum í dag.
Chelsea mun fylgja eftir 70 milljóna punda kaupum á franska varnarmanninum Wesley Fofana (21) með því að leggja allt kapp á að fá gabonska framherjann Pierre-Emerick Aubameyang (33) frá Barcelona. Chelsea vill einnig tryggja sér Anthony Gordon (21) frá Everton í þessari viku. (Guardian)
Búist er við því að Bayer Leverkusen tilkynni í dag um lánssamning varðandi Callum Hudson-Odoi (21) en enski sóknarleikmaðurinn kemur á láni út tímabilið. Hudson-Odoi fór í læknisskoðun í gær. (BBC)
Antonio Conte, stjóri Tottenham, segist vilja að enski sóknarmaðurinn Harry Kane (29) skrifi undir nýjan samning við Spurs. Hann á innan við tvö ár eftir af núgildandi samningi. (Mail)
Tottenham er í viðræðum um að fá Daniel James (24) lánaðan frá Leeds fyrir gluggalok. James er vængmaður velska landsliðsins. (Fabrizio Romano)
Tottenham hefur endurnýjað áhuga sinn á hinum fjölhæfa belgíska miðjumanni Yannick Carrasco (28) hjá Atletico Madrid. (Telegraph)
Cristiano Ronaldo (37) gæti yfirgefið Manchester United og gengið í raðir Napoli í þessari viku. Portúgalski sóknarmaðurinn hefur byrjað einn leik í ensku úrvalsdeildinni í upphafi móts. (Metro)
Aston Villa hefur mikinn áhuga á Graham Potter, stjóra Brighton. Villa hefur tapað þremur af fjórum fyrstu deildarleikjum tímabilsins. (Football Insider)
Paris St-Germain er að skoða samningamál N'Golo Kante (31) við Chelsea. Franski landsliðsmaðurinn á innan við ár eftir af samningi sínum. (Times)
Ajax horfir til argentínska vængmannsins Lucas Ocampos (28) hjá Sevilla og Jamaíkamannsins Leon Bailey (25) hjá Aston Villa þar sem verðmiði Chelsea á Hakum Ziyech (29) er of hár að mati Hollandsmeistaraan. (Mail)
21 milljón punda tilboði Southampton í Cody Gakpo (23) hjá PSV Eindhoven var hafnað. Hollenski sóknarleikmaðurinn hefur verið orðaður við Manchester United og PSV verðmetur hann á um 38 milljónir punda. (Telegraph)
Newcastle United vill fá franska miðjumanninn Tiemour Bakayoko (28) frá Chelsea. Hann er á tveggja ára lánssamningi hjá AC Milan. Nottingham Forest hefur einnig áhuga. (Calciomercato)
Crystal Palace hefur gert 27 milljóna punda tilboð í enska miðjumanninn Conor Gallagher (22) hjá Chelsea en leikmaðurinn spilaði feikilega vel á láni hjá Palace á síðasta tímabili. (Times)
Spænski varnarmaðurinn Hector Bellerín (27) hjá Arsenal gæti gengið í raðir Real Betis þar sem hann var á láni síðasta tímabili. Bellerín hefur ekki spilað fyrir Arsenal síðan í maí 2021. (Estadio Deportivo)
Frenkie de Jong (25) verður áfram hjá Barcelona þrátt fyrir að hafa sterklega verið orðaður við Manchester United og Chelsea í sumar. (Football Espana)
Aston Villa og Wolves hafa áhuga á enska varnarmanninum Craig Dawson (32) hjá West Ham. (Sun)
Juventus mun reyna að kaupa brasilíska miðjumanninn Douglas Luiz (24) frá Aston Villa ef félagið nær ekki samkomulagi við Paris St-Germain um Argentínumanninn Leandro Paredes (28). (Sky Sport Italia)
Hollenski varnarmaðurinn Sepp van den Berg (20) er að fara frá Liverpool til Schalke á lánssamningi. (The Athletic)
Leicester City er í viðræðum við Schalke um kaup á marokkóska miðjumanninum Amine Harit (25). (Sky Sports)
Fulham hefur gert samkomulag við Paris St-Germain um kaup á franska vinstri bakverðinum Layvin Kurzawa (29). Fulham er einnig að vinna í því að fá hollenska vængmanninn Justin Kluiver (23) frá Roma. (Mail)
Athugasemdir
