Orri Steinn Óskarsson var hetja Real Sociedad í gær þegar hann skoraði bæði mörk liðsins í 2-0 heimasigri gegn PAOK í Evrópudeildinni.
Sigurinn tryggði Sociead sæti í umspili um sæti í 16-liða úrslitum Evrópudeildarinnar.
Orri fagnaði fyrra markinu vel og vakti fagn hans athygli. Orri var með einhver skilaboð með höndunum og var spurður út í þau í viðtali eftir leik.
Sigurinn tryggði Sociead sæti í umspili um sæti í 16-liða úrslitum Evrópudeildarinnar.
Orri fagnaði fyrra markinu vel og vakti fagn hans athygli. Orri var með einhver skilaboð með höndunum og var spurður út í þau í viðtali eftir leik.
„Þetta er bara góð áminning til allra að við hlustum ekki, við höldum áfram að vinna í okkar hlutum og góð úrslit munu fylgja," sagði Orri Steinn sem hefur fengið talsverða gagnrýni á sínu fyrsta tímabili á Spáni en hann var keyptur frá FC Kaupmannahöfn í lok sumargluggans. Síðasta mark Orra fyrir Sociedad fyrir leikinn í gær kom gegn Plzen snemma í nóvember.
„Þeir spiluðu vel fyrstu 20 mínútur leiksins en við gerðum mjög vel og skoruðum tvö mörk. Ég er mjög ánægður að hafa skorað og að allt liðið spilaði vel."
Framundan er umspilið í Evrópudeildinni. „Við erum undirbúnir fyrir hvað sem er og það er mjög mikilvægt fyrir okkur að eiga góðan leik."
Stjóri Sociedad, Imanol Alguacil, hafði eftirfarandi að segja eftir leikinn: „Framherjum líður betur þegar þeir skora mörk. Það hefur vantað upp á nákvæmnina og í dag var hann stórkostlegur. Þetta mun gera honum mjög gott og liðinu líka."
Sociedad mætir annað hvort AZ Alkmaar eða Midtjylland í umspilinu.
Smelltu hér til að sjá fyrra mark Orra
Smelltu hér til að sjá seinna markið
Athugasemdir
