Miklar umræður hafa skapast eftir leik Liverpool og Tottenham í ensku úrvalsdeildinni í gær. Tottenham fékk tvær umdeildar vítaspyrnur seint í leiknum sem koma til með að verða mikið ræddar á vinnustöðum landsins í dag.

Í fyrri vítaspyrnudómnum braut Loris Karius, markvörður Liverpool, af Harry Kane.

Kane var þó í rangstöðu þegar sendingin kom inn á hann, en áður en boltinn barst til hans hafði hann viðkomu í Dejan Lovren varnarmanni Liverpool.

Dómarinn ákvað að dæma vítaspyrnu, jafnvel þótt hvorki hann né línuvörðurinn hafi haft hugmynd um hvort Lovren hefði í rauninni snert boltann eða ekki.