Nýju treyjurnar eru á leið í búðir og er hægt að forpanta þær í gegnum vefsíðu Liverpool eða Nike eða beint í gegnum endursöluaðila.

„Ég hef verið partur af Nike fjölskyldunni í smá tíma og það er frábært. Ég veit mjög vel að Nike er leiðandi í hönnun og nýsköpun á íþróttatreyjum. Það verður sérstakt að mæta út á völlinn í þessum treyjum, sem Englandsmeistarar, á næstu leiktíð," sagði Virgil van Dijk.

Treyjan heldur í hefðir Liverpool og er allt frá leturstærð að litavali grandskoðað til að láta minna á Liverpool og Anfield.

Stuðningsmenn geta þá keypt sérstakar merkingar til að setja á búninginn eftir að Liverpool vann HM félagsliða og ensku úrvalsdeildina á leiktíðinni.