Leeds að ganga frá kaupum á Gnonto

Gnonto er 18 ára landsliðsmaður Ítalíu sem hefur verið mikilvægur hlekkur í liði Zürich í Sviss undanfarin misseri.

Hann á 19 ára afmæli í nóvember og er búinn að skora eitt mark í fjórum A-landsleikjum.

Leeds er talið borga tæpar 10 milljónir punda fyrir Gnonto en sú upphæð getur hækkað umtalsvert með árangurstengdum aukagreiðslum.

Gnonto skoraði 10 mörk í 35 leikjum á síðustu leiktíð.