Joe Allen tekur landsliðsskóna fram að nýju
Miðjumaðurinn reynslumikli Joe Allen verður óvænt í landsliðshópi Wales sem er að fara að mæta Íslandi og Svartfjallalandi.
Þessi 34 ára leikmaður Swansea lagði landsliðsskóna á hilluna í febrúar á síðasta ári, eftir að hafa spilað fyrir þjóð sína á tveimur Evrópumótum og á HM.
Þessi 34 ára leikmaður Swansea lagði landsliðsskóna á hilluna í febrúar á síðasta ári, eftir að hafa spilað fyrir þjóð sína á tveimur Evrópumótum og á HM.
Craig Bellamy landsliðsþjálfari Wales hringdi í Allen og bað hann um hjálpa liðinu í komandi leikjum, þar sem miðjumennirnir Ethan Ampadu og Aaron Ramsey eru meiddir.
Allen, sem er fyrrum leikmaður Liverpool, á 74 landsleiki að baki og var valinn í úrvalslið EM 2016 þar sem Wales komst í undanúrslit.
Wales leikur gegn Íslandi á Laugardalsvelli þann 11. október en Age Hareide opinberar landsliðshóp Íslands í dag.
Velska liðið hefur farið vel af stað undir stjórn Bellamy, með markalausu jafntefli gegn Tyrklandi og 2-1 sigri gegn Svartfellingum.
Athugasemdir
