Ásgeir Frank kom til Aftureldingar frá Kórdrengjum í vetur og hefur verið í algeru lykilhlutverki á miðsvæði liðsins í sumar.

Hann hefur komið við sögu í öllum leikjum liðsins í Lengjudeildinni en samningur hans átti að renna út eftir þessa leiktíð.

Ásgeir, sem fagnaði 26 ára afmælisdegi sínum í gær, hélt upp á afmælið með því að framlengja samning sinn við Aftureldingu út næsta tímabil.

Afturelding er að eiga gott tímabil í Lengjudeildinni en liðið vann á dögunum þriðja leik sinn í röð og situr það í 5. sæti deildarinnar með 22 stig.