lau 04. febrúar 2023 20:53
Elvar Geir Magnússon
HM félagsliða: Al Ahly vann Seattle og mætir Real Madrid
Mynd: Getty Images
Al Ahly frá Egyptalandi vann 1-0 sigur gegn bandarísku MLS-meisturunum í Seattle Sounders á HM félagsliða sem fram fer í Marokkó.

Varamaðurinn Mohamed Afsha reyndist hetja Al Ahly en hann kom af bekknum og skoraði eina mark leiksins á 88. mínútu. Sigurinn gerir það að verkum að Al Ahly mun mæta Evrópumeisturum Real Madrid í undanúrslitum á miðvikudaginn.

Daginn áður, á þriðjudaginn, fer hinn undanúrslitaleikurinn fram. Al Hilal frá Sádi-Arabíu leikur þar gegn Flamengo frá Brasilíu.

Real Madrid og Flamengo fara beint í undanúrslit en Al Hilal vann Afríkumeistara Wydad Casablanca frá Marokkó í vítaspyrnukeppni í dag. Staðan var 1-1 eftir venjulegan leiktíma.

Úrslitaleikur keppninnar verður þann 11. febrúar.


Athugasemdir
banner
banner
banner
banner