Rodri er með bestu djúpu miðjumönnum heims og hefur verið síðan hann samdi við Man City fyrir fimm árum.

Hann var lykilmaður í liðinu sem vann Englands, Evrópu og bikarmeistaratitilinn á síðustu leiktíð, en tölfræðin hans talar sínu máli.

Spánverjinn hefur ekki tapað í síðustu 59 leikjum sínum með Man City og er það nýtt met hjá enskum úrvalsdeildarleikmanni.

Rodri bætti sextán ára gamalt met Ricardo Carvalho, sem fór í gegnum 58 leiki með Chelsea án þess að tapa, en hann gerði það á árunum 2006 til 2008.