Ruben Amorim sat fyrir svörum á blaðamannafundi fyrir leik Sporting gegn Manchester City í Meistaradeildinni á morgun.
Gary Cotterill, fréttamaður hjá Sky Sports, var pirraður á því að hlusta á blaðamannafundinn þar sem Amorim svaraði einungis á portúgölsku.
„Hefur Man Utd bannað þér að tala ensku?" Spurði Cotterill sem Amorim svaraði neitandi.
„Ég velti því fyrir mér hvort þú áttir þig á því að ef þú vinnur á morgun væri það frábært fyrir núverandi félagið þitt og líka verðandi félagið þitt. Þú gætir orðið hetja áður en þú ferð í flugið til Man Utd. Hefur þú spáð í það? Svaraðu á ensku takk," sagði Cotterill.
„Ég get ekki svarað á ensku núna, Þau munu sakna þess að heyra mig tala portúgölsku," sagði Amorim.
„Þau hafa fengið 25 mínútur á portúgölsku, við viljum tíu sekúndur á ensku," sagði Cotterill. Fjölmiðlafulltrúinn svaraði honum þá og sagði að hann gæti heyrt hann tala ensku í næstu viku þegar hann tekur við Man Utd.
