Arsenal hefur áhuga á Jerome Boateng, varnarmanni Bayern Münhen, og hefur spurst fyrir um kaupverð, lánsmöguleika og launakröfur leikmannsins.
Frá þessum tíðindum segir Sky í Þýskalandi.
Frá þessum tíðindum segir Sky í Þýskalandi.
Þessi 31 árs gamli miðvörður vill fara frá Bayern og má fara frá félaginu í þessum mánuði. Talið er að Bayern sé tilbúið að leyfa honum að fara fyrir 15 milljónir evra.
Calum Chambers spilar ekki meira á tímabilinu og Mikel Arteta, stjóri Arsenal, vill fá inn miðvörð í glugganum.
Boateng varð Heimsmeistari með Þýskalandi 2014 og hefur spilað meira en 300 leiki með þýska stórveldinu Bayern.
Ólíklegt er að Arsenal geri stórar fjárfestingar í þessum mánuði eftir að hafa varið um 150 milljónum punda í leikmannakaup síðasta sumar.
Athugasemdir