Belgíski miðjumaðurinn varð fyrir nárameiðslum í sigri Man City gegn Everton um síðustu helgi. Hann missti þess vegna af leiknum gegn Dinamo Zagreb í Meistaradeildinni í vikunni.

John Stones er einnig á meiðslalistanum, en Pep Guardiola, stjóri City, vonast til þess að þeir snúi báðir aftur á völlinn gegn Crystal Palace eftir landsleikjahlé.

Líklegt er að Fernandinho byrji við hlið Nicolas Otamendi í vörn City á sunnudaginn, líkt og hann hefur gert undanförnum leikjum. Guardiola gæti líka sett Fernandinho á miðjuna og spilað með hinn 18 ára gamla Spánverja, Eric Garcia, í hjarta varnarinnar.