Berglind Björg Þorvaldsdóttir sneri aftur í lið Le Havre í dag sem spilaði við Fleury 91 í efstu deild kvenna í Frakklandi.
Berglind hafði verið fjarri góðu gamni að undanförnu en var mætt á völlinn í dag.
Landsliðsframherjinn gat þó ekki komið í veg fyrir tap í dag en Le Havre lá 1-0 á útivelli og situr enn á botni deildarinnar.
Andrea Rán Snæfeld Hauksdóttir og Anna Björk Kristjánsdóttir leika einnig með liðinu og spiluðu allan leikinn.
Le Havre er aðeins með fimm stig á botni deildarinnar og hefur unnið einn leik af fyrstu 15.
Athugasemdir
